ممكن الرد بسرعه

السلام عليكم يا شباب بلدي
انا سعيده وفرحانه جدا بهذا المنتدي
ما كنتش متخيله ان فيه حاجه زي كده لبلدنا معموله اصلا
وكنت هابدا في عمل موقع للبلد انا وبعض زميلاتي بس هم من محافظات اخري بس كانوا هيساعدوا علشان عارفين مدي حبي وانتمائى لهذه البلد
بس الحمد الله انتم عملتم اللي كنت عايزها واكتر بكتيييييييييييييييييييييير
ربنا يكرمكم ويوفقكم كمن وكمان
المهم بقي
انا لسه مخلصه هندسه السنه دى وممكن اتعين معيده ادعولي من قلبكم
اي حد محتاج اي حاجه في دراسته ممكن اساعدخصوصا فى هندسه الحاسب وبرمجه الجافاوكمان
GIS & Mobile application
وكمان نفسي نبدا في مشروع نطافه البلد وتشجيرها وخصوصا واحنا في الصيف والطلبه كلها فاضيه
وهو احسن من تضييع الوقت قدام المفسديون والدش
ممكن الم واجمع كل البنات اللي اعرفهم وكمان هم يقولوا لاصحابهم والديره توسع لغايه ما يكون هم البلد واحد ويارب تكون البدايه دى كويسه لكل اللي نفسهم في برج برلس نظيف وجميل وشبابه علي اعلي مستوي ومش اقل من اي شباب موجود في مكان
علي فكره انا واتنين من زميلاتي عملنا ده في الكليه كنا في محاضره فاضيه او الدكتور اتاخر المهم شوفوا بقي رد الفعل كل اللي كان فاضي من كل الفرق جاه وكمان عمال في الكليه واتنين من حرس الكليه الطيبين ولم معنا الزباله وفي اقل من ساعه كانت كليتنا انضف مكان في الجامعه المهم بس نبدا
ممكن اي حد يرد
عندي موضوعات كتييييييييييييييييييره ومشاريع اكتر لاكتر مكان بحبه في حياتي وبحس فيه بالامان
يارب يكون حد فاهمني ويرد علي
انا عارفه اني طوووووولت اوي عليكم
بس سامحوني
وبجد بحب البلد اوي

والله إحنا برحب بيككى فى منتداكى وفخورين جدا بكلامك ده ومحتاجين دعمك وخاصة الدعم الفنى .... مشكورة جدا على مرورك واتمنالك التوفيق